我覺得喺呢個時代，
仲搞緊香港電影嘅人，
都係真愛之中嘅真愛。
-
《濁水漂流》票房衝破四百萬，但官方專頁就以[我哋仲未回本呀]作為宣傳字句，而據聞票房好好，共收1700萬嘅《一秒拳王》，去到尾都係蝕本。
-
搞手但求打個和，但原來打和已經係可喜可賀。回唔到本不特止，而家仲隨時話比你聽套戲過唔到憑空而來嘅電影審查，幾年甚至畢生心血付諸流水，一個唔覺意犯埋國安法，到時拉人封艇，冷暖自知。
-
到底係乜嘢，令香港電影人堅持落去? 幾百萬過千萬，甚至過億嘅投資，每套電影好唔好，得唔得到觀眾嘅喜愛同入場，每一次都係一場豪賭，而近年嚟嘅豪賭，輸嘅似乎係絕大多數。電影唔好睇而輸，應有之義，但如果電影好睇，得到觀眾愛戴，都仲要輸埋條底褲，咁呢個就係嚴重嘅問題。
-
究竟點樣嘅香港電影，
先可以真真正正咁賺到錢?
Search